Wrecsam Ifanc

Gymnasteg a Thrampolinio

• Os wyt ti am geisio gwneud gymnasteg neu drampolinio, rhaid gwneud hynny dan oruchwyliaeth hyfforddwyr cymwys bob amser
• Mewn gymnasteg, byddi di'n gwneud sawl fath o ymarfer ar wahanol gyfarpar ac ar y llawr
• Mae’r rhain yn cynnwys ymarferiadau ar y llawr, y barrau paralel, yr honglath (balance beam), y ceffyl, y bar llorwedd, y barrau anghyfartal, y llofnaid (vault) a’r cylchoedd
• Gall gymnasteg wella hyblygrwydd a chydbwysedd yn fawr
• Os yw clwb gymnasteg wedi cofrestru gyda Gymnasteg Cymru, bydd eu hyfforddwyr â chymhwyster hyfforddi a gydnabyddir gan Gymnasteg Cymru a Phrydain, sy’n rhoi pwyslais ar bwysigrwydd diogelwch
• Os wyt ti’n ddechreuwr, byddi di'n cychwyn trwy ddysgu ymarferiadau ar y llawr, gan gynnwys sut i lanio ar dy draed a dy ddwylo
• Ceir naw disgyblaeth o fewn gymnasteg gan gynnwys gymnasteg gyffredinol, gymnasteg artistig i ddynion, gymnasteg artistig i fenywod, gymnasteg rythmig, gymnasteg aerobig, twmblo, gymnasteg Ysgolion Cymreig a thrampolinio

Trampolinio

• Mae trampolinio yn cynnwys perfformio trefn benodol o drosbennau (somersaults) a throeon ar drampolîn
• Mae’r symudiadau’n cynnwys neidiau troelli (twist jumps), neidiau stradl wedi plygu (piked straddle jumps), cwympiadau eistedd (seat drops) a chwympiadau cefn (back drops)
• Mae nifer o ysgolion yn cynnal gwersi gymnasteg a thrampolinio fel rhan o Gyfnod Allweddol Tri’r cwricwlwm. Efallai y bydd cyfleusterau trampolinio a gymnasteg yn dy ganolfan hamdden leol hefyd