Crefft Ymladd

Gwybodaeth » Pethau I'w Gwneud » Chwaraeon a Chadw'n Heini » Crefft Ymladd

Gall crefft ymladd (martial arts) fod yn beryglus a dylai ei hymarfer gyda gofal a disgyblaeth, dan gyfarwyddyd hyfforddwyr proffesiynol
Gelwir unrhyw fath o ymladd di–arf yn grefft ymladd
Mae pobl yn ymarfer crefft ymladd fel chwaraeon cystadleuol ac er mwyn cadw’n heini, i amddiffyn eu hunan, i fyfyrio, i ddatblygu disgyblaeth feddyliol, datblygu cymeriad a hunanhyder

Mae Karate yn ddull traddodiadol Japaneaidd o ymladd heb arfau
Mae’n cynnwys technegau dyrnu, bwrw a chicio. Mae’r person y taro a chicio pwyntiau sensitif ar gorff ei wrthwynebydd
Mae’r rhan fwyaf o glybiau karate yn cynnal sesiynau hyfforddi am awr neu ddwy. Os wyt ti'n ddechreuwr, efallai y bydd sesiwn awr yn ddigon hir
Wrth i ti ddatblygu, gallet sefyll arholiadau graddio sy’n ddigwyddiadau ffurfiol lle caiff dy sgiliau karate eu barnu. Os wyt ti'n llwyddo i basio’r radd honno, bydd dy glwb neu sefydliad yn cydnabod dy hawl i wisgo gwregys o liw gwahanol. Mae lliw dy wregys yn adlewyrchu lefel dy allu i ymarfer karate. Gwyn yw lliw’r gwregys y lefel mwyaf sylfaenol, a du yw’r lliw uchaf

Mae Jiwdo yn gelf hunanamddiffyn Japaneaidd a hefyd yn gamp Olympaidd
Mae’n fath o reslo lle rwyt ti'n troi cryfder dy wrthwynebydd yn wendid er mwyn ennill

Mae Kung Fu yn ddull ymladd Tsieineaidd traddodiadol
Mae’n cyfuno cicio, taro, troi’r corff, dulliau osgoi, cyrcydu, neidio, cwympo, a throsbennu

Mae cic–bocsio yn gorfforol iawn. Os oes gen ti ddiddordeb mewn dysgu cic–bocsio, awgrymir i ti ymweld â’r clwb lleol i wylio sesiwn yn gyntaf
Mae'n ymarfer athletig sydd yn cynnwys bocsio cysgod, gwaith gyda bagiau trwm, cryfhau a chyflyru. Mae’n canolbwyntio ar ran uchaf y corff trwy ffyrdd gwahanol o ddyrnu, ac ar ran isaf y corff trwy gicio
Rhaid gwisgo menig bocsio neu lapio’r arddyrnau wrth ymarfer
Fe elwir math poblogaidd o gic–bocsio yn gic–bocsio aerobeg neu gardiofasgwlaidd (cardio), sy’n cyfuno elfennau bocsio, crefft ymladd ac aerobeg
Gwisga ddillad cyfforddus fel y gall dy freichiau a dy goesau symud i bob cyfeiriad, a sicrha dy fod yn yfed digonedd o ddŵr cyn, ar ôl ac yn ystod ymarfer
Dechreua trwy gicio’n isel ac yna byddi di'n parhau i ddysgu technegau cic–bocsio eraill

Mae Tai Chi yn ymarfer traddodiadol Tsieineaidd i ymlacio’r meddwl a’r corff
Mae’n lleihau straen ac yn hyrwyddo lles cyffredinol y corff a’r meddwl
Mae’n cyfuno symudiadau gosgeiddig (graceful), myfyrio a rheoli anadlu i wella llif egni'r corff. Mae 108 o ymarferiadau cymhleth yn cael eu perfformio mewn ffordd araf, ymlaciol, llifol dros gyfnod o 30 munud