Wrecsam Ifanc

Tarwden y Traed

Tarwden y Traed (Athlete's Foot) ydy haint ffwngaidd parhaus sydd yn tyfu mewn rhannau cynnes, chwyslyd y corff, fel rhwng bysedd y traed.

Gall y ffwng ymledu i ewinedd y traed. Bydd tarwden y traed yn gwneud i’r traed gosi, a bod yn goch ac yn ddolurus. Fe allai’r traed fod ag arogl drwg arnyn nhw.

Os na fydd tarwden y traed yn cael ei drin, fe ddaw’r croen yn soeglyd a bydd yn cracio ac yn pilio. Gallai’r croen godi pothelli a dod yn ddolurus, ac fe allai ddatblygu haint bacteriol mwy difrifol.

Mae tarwden y traed yn heintus. Gallet ti gael tarwden y traed o rannu tyweli ac o amgylcheddau comunol, gwlyb fel ystafelloedd newid pwll nofio neu gawodydd. Gwisga fflip-fflops neu esgidiau plastig bob amser i amddiffyn dy draed.

Triniaethau:

• Os byddi di'n rhoi powdwr tarwden y traed ac eli gwrth-ffwngaidd (sy’n cynnwys clotrimazole) ar dy draed fe ddylai hyn helpu
• Os na fydd hyn yn helpu, cer i weld dy feddyg a fydd, o bosib, yn gallu rhagnodi tabled gwrth-ffwngaidd i ti

Atal

Cadwa dy draed yn rhydd o haint ffwngaidd trwy:

• Gadw'r traed ac esgidiau yn sych
• Gwisga hosanau glân bob dydd
• Paid gwisgo esgidiau heb hosanau neu deits
• Amrywia’r esgidiau rwyt ti’n eu gwisgo
• Gwisga esgidiau a hosanau o’r maint iawn
• Torra ewinedd dy draed yn iawn

Os wyt ti’n poeni am dy draed, cer i weld dy feddyg a fydd yn gallu trafod y driniaeth sy’n iawn i ti.