Gwybodaeth » Addysg, Cyflogaeth a Hyfforddiant » Bod Mewn Cyflogaeth » Iechyd a Diogelwch
Yn yr Adran Hon
Iechyd a Diogelwch
Mae yna gyfreithiau a rheoliadau sy'n diogelu dy iechyd a diogelwch tra ti yn y gwaith. Mae pob cyflogwr efo dyletswyddau statudol i ofalu am iechyd a diogelwch eu holl weithwyr.
Er enghraifft mae yna reolau sy'n ymwneud â:
- Glendid
- Twrw
- Peiriannau
- Codi a chario pwysau trwm
- Sylweddau peryglus
- Toiledau
- Cyfleusterau ymolchi
- Dŵr yfed
- Cadeiriau
- Cyfleusterau cymorth cyntaf
- Tymereddau
- Cyfrifiaduron
- Oriau gweithio a seibiannau
Mae bron pob gweithiwr efo'r hawl i beidio gorfod gweithio am fwy na 48 awr yr wythnos, ar gyfartaledd:
- Ni chaiff gweithwyr nos weithio am fwy nag wyth awr ar gyfartaledd mewn unrhyw gyfnod o 24 awr
- Mae gweithwyr dros 18 oed (oedolion) efo'r hawl i un diwrnod i ffwrdd o'r gwaith bob wythnos
- Mae gweithwyr 16-18 oed (yn eu glasoed) efo'r hawl i ddau ddiwrnod i ffwrdd o'r gwaith bob wythnos
- Mae gweithwyr sy'n oedolion efo'r hawl i gael 11 awr yn olynol o seibiant y dydd, ac o leiaf 20 munud o egwyl gorffwys os yw eu diwrnod gwaith yn fwy na chwe awr
- Mae gweithwyr yn eu glasoed efo'r hawl i gael 12 awr yn olynol o seibiant y dydd, ac o leiaf 30 munud o egwyl gorffwys os ydyn nhw'n gweithio mwy na phedair awr a hanner
Yr Awdurdod Gweithredol Iechyd a Diogelwch (HSE) yw'r sefydliad sy'n gyfrifol am orfodi cyfraith iechyd a diogelwch.
- Os wyt ti'n poeni am iechyd neu ddiogelwch yn y gwaith, cysyllta gyda chynrychiolydd iechyd a diogelwch dy waith neu'r swyddog personél
- Yn ôl y gyfraith, mae dy gyflogwr di yn gyfrifol am roi gwybod i ti am y camau sy'n cael eu cymryd i sicrhau dy iechyd a diogelwch
- Yn ôl y gyfraith, mae'n rhaid i ti hefyd helpu dy gyflogwr i ddarparu amgylchedd gweithio diogel
Risgiau i weithwyr ifanc
- Mae'n ofynnol i gyflogwr, o dan Reoliadau Iechyd a Diogelwch (Pobl Ifanc) 1997, gynnal asesiad risg cyn cyflogi person ifanc o dan 18 oed
- Ystyrir bod gweithwyr ifanc yn enwedig yn agored i risg oherwydd eu diffyg profiad, y posibilrwydd nad ydynt yn ymwybodol o risgiau i'w hiechyd a diogelwch sy'n bodoli neu sy'n bosibilrwydd
