Gwybodaeth » Addysg, Cyflogaeth a Hyfforddiant » Yn Yr Ysgol 11-16
Yn yr Adran Hon
Yn Yr Ysgol 11-16
Mae’r ysgol yn rhan enfawr o dy fywyd rhwng 11 ac 16 oed. Yn ystod y cyfnod hwn rwyt ti yn yr hyn a elwir yn system yr ysgol uwchradd ac addysgir ystod o bynciau i ti fel Saesneg, Mathemateg, Gwyddoniaeth, Celf, Hanes ac Ieithoedd.
O 5 hyd at 16 oed, y gyfraith yw bod plant a phobl ifanc yn derbyn addysg amser llawn.
Mae dy rieni yn gyfrifol am sicrhau dy fod yn derbyn yr addysg amser llawn yma sy’n addas ar gyfer dy oed a'th allu. Os oes gen ti anghenion addysgol arbennig, dylet ti dderbyn cymorth i helpu dy ddysgu.
Addysgir rhai pobl ifanc gartref neu mae ganddynt diwtoriaid preifat ac mae hyn fel arfer gydag ymwybyddiaeth yr Awdurdod Addysg Leol (AALl) gyda'r rhieni yn sicrhau fod yr addysg o'r un safon neu'n uwch na fydda'r plentyn ifanc yn ei dderbyn yn yr ysgol.
Cynigir dewis o gymwysterau cenedlaethol i’r rhan fwyaf o bobl ifanc rhwng 11 a 16 oed, gan gynnwys TGAU (Tystysgrif Gyffredinol Addysg Uwchradd), Diplomau Cyntaf, Chymwysterau Galwedigaethol Cenedlaethol (NVQs) a'r Cymhwyster Bagloriaeth Cymru.
TGAU yw’r cymhwyster mwyaf poblogaidd i’w astudio a chynigir TGAU mewn ystod o bynciau yn dibynnu ar yr ysgol ti'n mynychu a dy ddiddordebau.
Mae’r adran hon yn edrych ar rai o’r prif bethau rwyt ti angen ei wybod a allai effeithio arnat ti pan yn yr ysgol.
