Gwybodaeth » Iechyd » Cyffuriau, Alcohol a Sylweddau » GHB
Yn yr Adran Hon
GHB
Mae GHB yn hylif heb arogl ac fel arfer mae ar ffurf pilsen neu boteli bychain gyda blas ychydig yn hallt arno.
Mae'n cael ei adnabod hefyd fel ecstasi hylifol a dyma'r cyffur sydd yn gysylltiedig â thrais ar ddêt gan nad oes llawer o flas arno ac mae'n gallu cael ei roi mewn diod rhywun heb iddynt wybod. Mae'r cyffur bellach wedi'i liwio'n las fel bod modd ei weld.
Yr effaith ar y defnyddiwr yw gwneud iddyn nhw deimlo'n benrhydd neu'n ddiymatal, yn hapus ac yn gnawdol. Wrth i’r defnyddwyr gymryd mwy fe ddaw i deimlo’n isel ac yn gysglyd. Gall gorddos wneud i’r defnyddiwr deimlo’n sâl ac yn ddryslyd, a gall hyd yn oed achosi ffit.
Mae GHB yn gaethiwus i’r corff a’r meddwl.
Ymhlith y risgiau mae:
- Gall GHB fod yn farwol pan fydd wedi’i gymysgu â chyffuriau eraill neu alcohol
- Gan ei bod yn anodd gwybod cryfder y dos gall wneud i ddefnyddwyr ddod yn anymwybodol
Mae GHB yn gyffur Dosbarth C, sy’n golygu ei bod yn anghyfreithlon meddu arno a’i gyflenwi i eraill. Gall meddu ar GHB olygu bwrw dedfryd yn y carchar am 2 flynedd, ac yn achos troseddau difrifol hyd at 14 mlynedd yn y carchar a dirwy anghyfyngedig.
