Gwybodaeth » Addysg, Cyflogaeth a Hyfforddiant » Yn Yr Ysgol 11-16 » Bagloriaeth Cymru
Yn yr Adran Hon
Bagloriaeth Cymru
Mae'r Fagloriaeth Cymru yn gymhwyster i ddisgyblion a myfyrwyr 14 i 19 oed yng Nghymru. Mae'n cyfuno cymwysterau sy'n bodoli eisoes fel NVQs, TGAU a Lefelau A gyda sgiliau datblygiad personol.
Mae'r rhain yn sgiliau sydd yn cael ei werthfawrogi a'i adnabod gan brifysgolion a chyflogwyr ac yn gallu cynnig profiadau ehangach na'r cwricwlwm arferol.
Mae'r cymhwyster yn cael ei gynnig ar lefelau Sylfaen, Canolradd ac Uwch ac yn gallu cael ei astudio trwy gyfrwng y Gymraeg neu'r Saesneg, neu fel cyfuniad o'r ddwy iaith.
Mae dau rhan i'r cymhwyster – Craidd gorfodol a dewis o Opsiynau, sydd yn cynnwys pynciau neu gymwysterau opsiynol byddi di efallai yn ei gymryd yn yr ysgol.
Mae'r pynciau Craidd yr un peth i'r tri lefel ac yn cynnwys:
- Cymwysterau Sgiliau Hanfodol Cymru/Sgiliau Allweddol (Yr union ofynion yn dibynnu ar y lefel dilynir)
- Cymru, Ewrop a'r Byd (CEB)
- Addysg Bersonol a Chymdeithasol (ABCh)
- Addysg Gysylltiedig â'r Gwaith (AGG) – profiad gwaith a gweithgaredd menter tîm
- Cyfranogiad Cymunedol
- Modiwl Iaith
- Ymchwiliad Unigol (Yr union ofynion yn dibynnu ar y lefel dilynir)
Gellir cychwyn y Fagloriaeth Cymru yn yr ysgol ar lefel Sylfaen neu Ganolradd a gellir parhau trwy'r coleg ble byddi di'n cwblhau'r lefel Uwch.
Bydd yr opsiwn o weithio tuag at y Fagloriaeth Cymru yn cael ei drafod gyda thi pan fyddi di'n cysidro dewisiadau Blwyddyn 9.
