Gwybodaeth » Addysg, Cyflogaeth a Hyfforddiant » Anghenion Addysgol Arbennig » Cefnogaeth Mewn Addysg Uwch
Yn yr Adran Hon
Cefnogaeth mewn Addysg Uwch
Os oes gen ti anghenion arbennig ac angen cefnogaeth ychwanegol i alluogi ti i wneud y mwyaf o Addysg Uwch, efallai bydd ychydig o faterion ychwanegol i ti gysidro a bydd rhaid gofyn cwestiynau am gyrsiau a chyfleusterau.
Bydd gan bob prifysgol ddatganiad anabledd ac aelod o staff sydd yn gyfrifol am drefnu cefnogaeth i fyfyriwr gydag anableddau.
Wrth ddewis prifysgol dyma rhai o'r prif faterion dylet ti eu hystyried:
- Pa gyrsiau sydd ar gynnig
- Cynnwys y cyrsiau a sut fyddan nhw’n cael eu hasesu
- Pa gefnogaeth sydd ar gael ar gyfer myfyrwyr anabl - bydd gan bob prifysgol aelod o staff sy’n gyfrifol am drefnu cefnogaeth ar gyfer myfyrwyr anabl. Gall lefel y gefnogaeth a gynigir amrywio rhwng prifysgolion
- Pa mor bell oddi cartref wyt ti'n barod i fynd
- Pa mor fawr/fach yw’r brifysgol
- P’un a hoffet ti fyw mewn tref, dinas, ardal fwy gwledig ac ati
- Pa mor hawdd yw hi i deithio o amgylch yr ardal
- Pa gyfleusterau eraill sydd gan y brifysgol a pha mor hygyrch yw’r safle
- Pa fath o lety sydd ganddyn nhw - oes yna unrhyw gyfleusterau ar gyfer myfyrwyr anabl
- Oes yna fyfyrwyr anabl eraill yno neu wedi bod yno’n ddiweddar
Lwfans Myfyrwyr Anabl
- Os oes gen ti anabledd ac yn gwneud cais am addysg uwch (prifysgol), mae’n bosib y gallet ti hawlio Lwfans Myfyrwyr Anabl (DSA)
- Mae’r lwfans yma’n cael ei hawlio oddi wrth yr awdurdod lleol
- Byddan nhw’n gofyn am dystiolaeth o dy anabledd ac mae’n bosib y byddan nhw am i ti gael asesiad
- Gellir defnyddio’r arian i dalu am staff i gefnogi ti, am offer, neu am gostau cludiant sy’n ymwneud ag anabledd
