Gwybodaeth » Amgylchedd » Pobl » Twf a Datblygiad Economaidd
- Twf economaidd yw cynnydd yn y swm o arian y mae gwlad yn ei gynhyrchu. Po fwyaf yr arian y mae gwlad yn ei gynhyrchu y tu hwnt i’r hyn sydd ei angen i fyw yn sylfaenol, mwyaf fydd yr arian sydd ar gael i’w wario ar bethau fel gofal iechyd, addysg neu ddiwydiant
- Cytunir yn gyffredinol y gall twf a datblygiad economaidd wella safonau byw pobl
- Er hynny, dyw twf economaidd ddim yn golygu safonau byw gwell i bawb, oherwydd nad yw cyfoeth y wlad wedi’i rannu’n gyfartal
- Mae economïau sydd ar dwf yn gyflym yn cynnwys Tsieina ac India
- Mae gan beth twf economaidd oblygiadau ar gyfer materion amgylcheddol, fel newid yn yr hinsawdd. Mae gan Tsieina, er enghraifft, gofnod gwael o ran lefelau llygredd
- Os nad yw gwlad yn sefydlog yn wleidyddol, gall twf economaidd gael ei effeithio yn aml. Dyma’r rheswm pam mae rhai gwledydd tlawd yn ei chael yn anodd tyfu’n gyflym
- Mae ’datblygiad’ economaidd ychydig yn wahanol i ’dwf’ economaidd. Mae’n ymwneud â gwelliannau cymdeithasol fel argaeledd addysg a gofal iechyd
- Mae rhai pobl wedi dechrau beirniadu twf economaidd fel arwydd o ddatblygiad, ac yn meddwl y dylid ystyried ffactorau eraill fel ansawdd bywyd
- Mae llawer o wledydd tlawd wedi benthyg symiau mawr o arian o wledydd mwy cyfoeth i geisio hybu twf economaidd
- Mae dyledion gan y gwledydd mwy cyfoethog hefyd, oherwydd bod benthyg arian yn ffordd hanfodol o hybu twf economaidd. Benthycodd Prydain arian oddi wrth yr Unol Daleithiau ar ôl yr Ail Ryfel Byd, a dim ond yn 2006 y gorffennodd dalu’r arian i gyd yn ôl
- Mae’n rhaid i rai gwledydd ddefnyddio’r holl arian maen nhw’n ei gynhyrchu o dwf economaidd ar ad-dalu dyledion i wledydd y gorllewin.
- Mae Togo, sy’n wlad yn Affrica, yn talu 83 y cant o’i incwm cenedlaethol ar ad-dalu dyledion
- Cafwyd sawl ymgyrch proffil uchel yn gofyn i ddileu dyledion sydd ar wledydd tlawd i wledydd cyfoethog. Mae llawer o bobl yn credu y bydd hyn yn helpu y gwledydd tlotaf i ddatblygu
