Gwybodaeth » Amgylchedd » Pobl » Trafnidiaeth
- Mae pob un ohonom yn defnyddio rhyw fath o drafnidiaeth gyhoeddus, o geir a bysiau i awyrennau, trenau a chychod
- Mae’r rhan fwyaf o gerbydau’n gweithio trwy ddefnyddio tanwydd olew fel petrol neu ddisel. Mae’r tanwydd hwn yn creu llawer o garbon deuocsid sy’n mynd mewn i’r atmosffer ac yn niweidio’r amgylchedd
- Rydym yn defnyddio ceir yn fwyfwy aml yma yng Nghymru. Mae pob un ohonom yn teithio bron i 4,000 milltir mewn car bob blwyddyn
- Mae arbenigwyr wedi ymchwilio i ffyrdd eraill o roi pŵer i gerbydau - ceir yn enwedig. Dyma rai o’r opsiynau hyn:
- Mae Nwy Naturiol Hylifedig ar gael mewn rhai gorsafoedd petrol ar hyn o bryd ac mae’n ddigon hawdd addasu ceir i dderbyn y math yma o danwydd
- Mae rhai ceir yn defnyddio systemau hybrid, lle mae petrol a thrydan yn cael eu cyfuno
- Mae Biodisel yn danwydd a wneir o olew llysiau a chaiff ei gymysgu â disel arferol yn aml
- Gellir defnyddio celloedd tanwydd hydrogen i roi pŵer i geir ond bydd rhaid cynnal rhagor o waith ymchwil i leihau costau storio
- Bydd defnyddio cerbydau mwy effeithlon yn helpu i leihau gollyngiadau tanwydd, ond gan ein bod ni’n teithio mwy nag yr oeddem ni, rhagdybir y bydd gollyngiadau carbon deuocsid yn codi
- Mae sawl grŵp amgylcheddol yn credu y dylai’r llywodraeth fuddsoddi mwy o arian mewn trafnidiaeth gyhoeddus fel na fydd pobl yn defnyddio’u ceir cymaint ag y maen nhw ar hyn o bryd
- Mae cerdded a beicio yn ffyrdd o deithio sy’n llai niweidiol i’r amgylchedd. Mae’r rhan fwyaf o’n teithiau yn rhai byr a gallwn gerdded neu feicio yn yr achosion hyn
