Organau Cenhedlu Benywaidd

Gwybodaeth » Iechyd » Rhywioldeb ac Iechyd Rhyw » Organau Cenhedlu Benywaidd

Mae organau atgenhedlu marched yn cynnwys sawl rhan wahanol.

Yn allanol, mae yna:

Y gwefusau allanol (labia majora), sydd yn gorchuddio'r clitoris ac yn ymestyn yn ôl i reit o flaen yr anws
Y gwefusau mewnol (labia minora) sydd yn ymuno yn y ffrynt mewn lwmp bach cigog gelwir yn clitoris. Ei bwrpas ydy rhoi pleser rhywiol
Gall y gwefusau mewnol amrywio mewn lliw o binc golau i frown tywyll
Gall y gwefusau allanol neu fewnol fod yn fwy na'i gilydd. Mae hyn yn gwbl naturiol

Yn fewnol, mae yna:

Y fagina, sy'n cael ei ddefnyddio ar gyfer cyfathrach rywiol ac atgenhedlu
Y wrethra, ble mae dŵr yn pasio
Yr hymen, croenyn sy'n gorchuddio'r fagina wyryf (heb gael rhyw) sydd yn torri pan fydd rhyw yn digwydd am y tro cyntaf, ond gall yr hymen dorri cyn hynny, yn ystod chwaraeon fel esiampl – gall hyn achosi ychydig bach o waedu ond mae'n beth arferol
Y serfics, sef gwddf y groth (womb) sydd yn arwain at y fagina
Dau diwb Fallopio, sydd yn cysylltu'r ofarïau a'r groth (uterus)
Dau ofari sydd yn cynhyrchu wyau

Prawf Serfigol

Mae profion serfigol yn brawf sy'n cael ei gynnig i holl ferched 20 oed a throsodd pob tair i bum mlynedd. Mae'n brawf i edrych ar iechyd y serfics ac nid yn brawf i wneud diagnosis canser y serfics, ond mae yn bwriadu rhwystro canser rhag datblygu
Efallai byddi di'n teimlo ychydig o anghysur neu boen – ceisia ymlacio drwy gymryd anadl araf a dwfn, gallai frifo mwy os wyt ti'n tynhau. Os yw'n boenus, dweud wrth y doctor neu'r nyrs yn syth, efallai gallan nhw helpu
Siarada gyda dy Feddyg Teulu neu glinig cynllunio teulu am gyngor a gwybodaeth am y weithred
Paid gohirio'r prawf serfigol, mae'n rhy bwysig