Wrecsam Ifanc

Arfau a Drylliau

Gellid ystyried unrhyw eitem a allai achosi niwed yn arf, felly gall yr eitemau yma amrywio o ddrylliau, cyllyll, cleddyfau a gynnau awyr i sisyrnau, plycwyr, a hyd yn oed deintbigau.

Drylliau

• Arf sy’n saethu bwled, pelet neu daflegryn yw dryll. Gall hyd yn oed gwn pys achosi niwed difrifol
• Mae’n drosedd bod â dryll i helpu ti i droseddu
• Nid oes yn rhaid iddo fod yn ddryll go iawn. Mae drylliau chwarae neu gopïau yn drosedd os oes modd profi dy fod wedi bwriadu i bobl feddwl ei fod yn ddryll go iawn
• Os oes gan yr heddlu reswm i feddwl bod gen ti ddryll mae ganddyn nhw hawl i stopio a chwilio – gweler yr adran ar Stopio a Chwilio
• Yn unol â Rheoliadau Deddfau Arfau Tân 2010 efallai ni allai person sydd o dan 18 oed brynu neu logi unrhyw ddrylliau, gynnau saethu neu fwledi
• Mae angen tystysgrif drylliau a gyhoeddwyd gan yr heddlu i feddu ar, prynu neu gael dryll neu ddryll tân. Mae'n rhaid i ti hefyd gael tystysgrif i brynu bwledi
• Mae yna gyfyngiadau oed ar dystysgrifau, prynu a hurio gynnau pelets a drylliau
• Mae yna ddrylliau sy’n cael eu defnyddio ar gyfer chwaraeon, yn eu plith gynnau pelets, reifflau a gynnau awyr
• Mae’r chwaraeon yma’n galluogi ti i ddefnyddio drylliau mewn amgylcheddau rheoledig a diogel, felly os oes gen ti ddiddordeb mewn drylliau meddylia am ymuno â chlwb drylliau neu roi cynnig ar saethu colomennod clai
• Am fwy o wybodaeth am y cyfyngiadau oedran ar ddrylliau a thystysgrifau, cer i met.police.uk

Arfau

• Mae'n anghyfreithlon i unrhyw un o dan 18 oed i brynu cyllell o unrhyw fath (gan gynnwys rhai cyllyll a ffyrc a chyllyll cegin)
• Mae'n anghyfreithlon i gario cyllell yn gyhoeddus heb reswm da - oni bai ei fod yn gyllell â llafn sy'n plygu 3 modfedd o hyd neu lai, ee cyllell Swiss Army. Mae pob cyllyll eraill yn gleddyfau yn anghyfreithlon
• Mae'n anghyfreithlon i ddefnyddio unrhyw gyllell mewn ffordd fygythiol, hyd yn oed cyllell Swiss Army
• Y gosb uchaf am gario cyllell yw 4 blynedd yn y carchar a dirwy o £5,000
• Os oes gen ti ddiddordeb mewn cleddyfau fe allet ti ystyried ffensio neu kendo a fydd yn dysgu ti sut i ddefnyddio cleddyf ac i ymladd mewn amgylchedd diogel a rheoledig