Gwybodaeth » Y Gyfraith a Hawliau » Gweithdrefnau'r Llys
Yn yr Adran Hon
Gweithdrefnau’r Llys
Mae yna nifer o resymau pam y gallet ti fynychu Llys y Gyfraith:
- Fel y person sy’n cael ei gyhuddo am drosedd, pan fyddi di’n sefyll treial
- Fel tyst mewn achos llys
- Fel rheithiwr
- Fel aelod o’r cyhoedd, pan fyddi di yn oriel y cyhoedd yn dilyn y treial
Mae’r modd o weithredu llysoedd yn ffurfiol iawn a gall yr amgylchedd fod yn ddychrynllyd. Mae yna wahanol fathau o lysoedd:
- Llysoedd Ynadon – bydd achosion cyfraith droseddol, cyfraith deuluol, a chyfraith trwyddedu yn mynd gerbron y llysoedd yma, yn ogystal â mathau eraill o achosion llai cyffredin
- Llysoedd Ieuenctid – mae’r rhain yn rhan o'r llysoedd ynadon. Mae yna fwy o fanylion ar y tudalen Llys Ieuenctid
- Llysoedd y Goron – Os bydd achos troseddol yn ddifrifol, ar ôl iddo fynd gerbron llys Ynadon i gychwyn, fe fydd yn cael ei anfon gerbron llys y Goron
- Llysoedd Sirol – bydd achosion cyfraith sifil yn mynd gerbron y rhain
