Wrecsam Ifanc

Cyfweliadau

Mae cyfweliad yn gyfle i ddarpar gyflogwr gyfarfod gyda thi a darganfod sut berson wyt ti. Er bod ffurflen gais neu CV yn gallu dweud llawer amdanat ti, bydd cyfarfod ti yn penderfynu os wyt ti'n llwyddiannus neu beidio yn cael y swydd.

Mae cyfweliad hefyd yn rhoi cyfle i ti ddod i ddarganfod mwy am y swydd.

Mae'r rhan fwyaf o bobl yn teimlo'n nerfus wrth feddwl am gyfweliad ond gall paratoi helpu ti i ddod dros hyn.

Cyn

• Meddylia am y swydd rwyt ti wedi ymgeisio amdani - beth sy'n gwneud ti'n iawn ar ei chyfer?
• Sut fedri di gysylltu dy sgiliau, profiad a chymwysterau i'r swydd arbennig honno
• Ceisia ddysgu am y cwmni - darllena unrhyw wybodaeth y gallet ddod o hyd iddi am y cwmni ac, os oes ganddyn nhw wefan, edrycha arni
• Ceisia gael digonedd o gwsg y noson gynt - nid yw dylyfu gên mewn cyfweliad yn beth da!
• Os gefais di fanyleb gweithiwr gyda'r ffurflen gais, defnyddia hwnnw fel canllaw i feddwl beth maen nhw'n edrych amdano ynddot. Meddylia am gwestiynau y gallan nhw eu gofyn, a'r atebion fyddi di'n ei roi
• Darllena drwy dy gais a/neu CV cyn mynd i mewn i'r cyfweliad, a bydda'n barod i ateb cwestiynau am unrhyw beth sydd ynddyn nhw
• Paratoa gwestiynau i'w gofyn yn y cyfweliad, gan fod hyn yn dangos dy fod di wedi meddwl am y swydd, a'r hyn mae'n ei olygu
• Ystyried yr hyn fyddi di'n ei wisgo ymhell o flaen llaw, a chael popeth yn barod y diwrnod cynt
• Cynllunia'r siwrnai er mwyn cyrraedd mewn da bryd
• Os wyt ti'n cael dy ohirio'n anochel - ffonia i roi gwybod iddyn nhw
• Rho'r ffôn symudol i ffwrdd cyn mynd i mewn
• Os wyt ti'n ysmygu, ceisia peidio cyn i ti fynd i dy gyfweliad. Gall yr oglau roi rhai pobl i ffwrdd

Yn Ystod

• Gwena, cadwa gyswllt llygad a cheisia fod yn hyderus - ond paid bod yn rhy hy
• Paid chnoi gwm
• Bydda'n naturiol, a cheisia ymddangos yn gyfeillgar ac wedi ymlacio
• Ceisia edrych fel bod diddordeb gen ti, hyd yn oed os nad oes!
• Siarada'n eglur a cheisia osgoi atebion syml 'ie' a 'na', y rheswm ti'n cael cwestiynau ydy am fod nhw angen gwybod mwy amdanat
• Meddylia cyn ateb
• Efallai byddi di hyd yn oed yn mwynhau'r profiad!

Ar Ôl

• Cofia, yr eiliad rwyt ti'n gadael does dim byd arall gallet ti ei wneud nes iddyn nhw gysylltu â thi
• Mae'n arferiad cyffredin i botensial gyflogwyr adael i ti wybod o fewn ychydig ddyddiau os wyt ti wedi bod yn llwyddiannus neu beidio, mewn llythyr neu alwad ffôn
• Mater o aros yw hi a bod yn amyneddgar
• Os nad wyt ti'n llwyddiannus, cofia fod cael dy wrthod yn rhan o fywyd a does dim angen cosbi dy hun. Ceisia ddysgu o'r profiad. Nid yw cael dy wrthod yn golygu dy fod di'n dda i ddim
• Pan fyddi di'n teimlo'n barod, cysyllta â nhw i gael adborth. Efallai y bydd hyn yn helpu ti i wella dy sgiliau cyfweliad at y tro nesaf