Ble i Chwilio am Swydd

Gwybodaeth » Addysg, Cyflogaeth a Hyfforddiant » Cael Swydd » Ble i Chwilio am Swydd

Gall unrhyw un alw heibio i'w Canolfan Gwaith lleol i edrych ar y swyddi gwag sy'n cael eu hysbysebu
Mae'n rhaid i ti gofrestru yn dy Ganolfan Gwaith lleol os wyt ti am wneud cais am fudd-daliadau (fel rheol, nid oes hawl gan bobl sy'n iau na 18 mlwydd oed i wneud cais am fudd-daliadau)
Gall edrych ar swyddi gwag ar-lein yn: Direct Gov

Enwau eraill arnyn nhw yw Asiantaethau Cyflogaeth neu Asiantaethau Gweithwyr Dros Dro, ac mae cwmnïau'n cysylltu â nhw er mwyn hysbysebu eu swyddi gwag ac er mwyn i'r asiantaethau chwilio am bobl addas i lenwi'r swyddi hynny ar eu rhan
Yn aml, bydd yr asiantaethau hyn yn arbenigo mewn recriwtio i fathau arbennig o waith e.e. gwaith swyddfa, adeiladu, gwaith ffatri, manwerthu a dosbarthu, gweithio fel nani neu au pair, amaethyddiaeth a gwaith tymhorol
Yn aml, cyfleoedd dros dro yw'r swyddi gwag, ond weithiau gallan nhw arwain at swyddi parhaol
Gallet ti gofrestru ag asiantaeth, gan roi iddyn nhw'r holl fanylion perthnasol am dy sgiliau, profiad a chymwysterau, a gallan nhw roi ti mewn cysylltiad â chwmnïau os bydd cyfleoedd gwag addas yn codi
Edrycha yn y Yellow Pages neu cer i www.yell.com i ddod o hyd i asiantaethau yn dy ardal di
Mae llawer o swyddi ar y rhyngrwyd yn cael eu hysbysebu gan asiantaethau recriwtio (gweler isod)

Mae chwilio am swyddi gwag ar-lein yn gyffredin iawn
Mae llawer o gwmnïau bellach yn hysbysebu swyddi gwag ar eu gwefannau eu hunain - ond nid yw hi bob amser yn amlwg bod yna swyddi gwag ar y gwefannau hyn, felly mae'n werth mynd i edrych yn yr adrannau Personél, Gwybodaeth Gorfforaethol/Cwmni neu'r adran Amdanom Ni
Bydd gwefannau eraill yn cynnwys hysbysebion gydag asiantaethau recriwtio (gweler uchod)
Am restr o wefannau recriwtio defnyddiol cer i Gyrfacymru.com

Mae Gyrfa Cymru'n cynnig gwasanaeth swyddi gwag i bobl ifanc rhwng 16 a 19 mlwydd oed
Gallan nhw helpu ti i ffitio dy hun i swydd wag addas yn dy ardal di
Mae swyddi gwag yn cael eu harddangos yn eu Canolfannau Gyrfa a'u Siopau Gyrfa
Dyma hefyd lle y dylet ti fynd gyntaf ar gyfer cyfleoedd hyfforddi gwag fel prentisiaethau
Rhestrir cyfleoedd gwag hefyd ar www.gyrfacymru.com

Bydd llawer o gwmnïau'n defnyddio hysbysebion mewn papurau newydd pan fyddan nhw'n recriwtio
Gall ddod o hyd i hysbysebion mewn papurau newydd cenedlaethol a lleol
Mae gan y rhan fwyaf o bapurau newydd ddiwrnodau penodol ar gyfer hysbysebion recriwtio, ac mae gan rai diwrnodau penodol ar gyfer mathau penodol o swyddi
Mae'n werth edrych ar wahanol bapurau newydd er mwyn cael syniad o'r math o hysbysebion maen nhw'n dueddol o'u cael - ydy nhw'n cynnwys hysbysebion fyddai o ddiddordeb i ti?
Os nad wyt ti eisiau gwario arian - cer i dy lyfrgell leol, fel rheol mae ganddyn nhw ddewis o bapurau newydd i ti edrych arnynt am ddim
Gallet hefyd geisio edrych ar wefannau papurau newydd
Cofia bod y papurau newydd cenedlaethol e.e. The Times, The Guardian, The Daily Telegraph yn cynnwys hysbysebion am swyddi ledled y DU, a bod dy bapur newydd lleol fel rheol yn cynnwys hysbysebion am swyddi lleol e.e. South Wales Argus, South Wales Echo, Free Press, Daily Post a'r Western Mail sydd yn cynnwys hysbysebion am swyddi ledled Cymru

Mae rhai cylchgronau'n cynnwys hysbysebion am swyddi
Fel rheol, swyddi sy'n gysylltiedig â phwnc y cylchgrawn ydyn nhw e.e. Big Issue – swyddi cymunedol ac elusennol; Farmers Weekly - swyddi ym myd amaethyddiaeth; Horse and Hound – swyddi gyda cheffylau ac, yn rhyfedd ddigon, rhai swyddi ar gyfer Nanis; Nursery World a The Lady - swyddi ar gyfer Nanis a Nyrsys Meithrin; cylchgronau Teithio - swyddi ym myd twristiaeth; Young People Now - Gwaith Ieuenctid.

Gan fod costau hysbysebu'n uchel, weithiau bydd busnesau'n gosod hysbysebion mewn ffenestri ac ar hysbysfyrddau
Yn aml bydd siopau, archfarchnadoedd, tafarndai, siopau trin gwallt ac ati'n gwneud hyn. Felly cadwa dy lygaid ar agor
Mae hefyd yn werth edrych am hysbysebion yn ffenestri'r siop bapur lleol

Nid yw rhai swyddi fyth yn cael eu hysbysebu
Siarada â phobl sy'n gweithio mewn swyddi sydd o ddiddordeb i ti a gofynna iddyn nhw roi gwybod i ti os oes unrhyw swyddi gwag yn codi
Neu defnyddia dy ben blaen ac ysgrifenna lythyr gyda CV a'i yrru i'r lle hoffet ti weithio
Neu cer yno mewn person a rhoi dy CV iddyn nhw