Wrecsam Ifanc

Marwolaeth

Gall colli rhywun annwyl fod yn sioc anferth ac yn rhywbeth poenus iawn i ymdopi ag o.

Os wyt yn agos at rywun sydd wedi marw, mae profi pob mathau o emosiynau anodd yn brofiad arferol, ac mae pawb yn ymateb yn wahanol. Efallai bydd yn teimlo fel na waniff y boen a'r tristwch rwyt yn eu profi fyth wella.

• Cofia nad wyt ar dy ben dy hun. Mae llawer o bobl y gelli siarad â hwy i drafod sut wyth yn teimlo, a gallant dy gefnogi trwy'r cyfnod anodd hwn
• Nid oes ffordd gywir nac anghywir o alaru, ond mae dulliau iach o ymdopi â’r boen, a gallant wneud i ti deimlo'n well mae o law
• Mae teimlo'n drist, pryderus neu unig yn ddull cyffredin o ymateb i golled. Nid yw crio yn golygu dy fod yn wan. Nid oes rhaid i ti ddiogelu dy deulu na dy ffrindiau trwy ymddangos yn ddewr. Gall dangos dy wir deimladau eu helpu hwy a dy helpu di
• Efallai byddi’n teimlo'n flin fod yr unigolyn wedi’i gymryd o dy fywyd, neu fod eu bywyd ar ben, yn enwedig os bu’n sâl neu mewn damwain. Mae hyn yn ymateb cwbl arferol hefyd
• Mae crio yn ymateb cyffredin i’r dicter neu’r tristwch y gelli fod yn eu teimlo, ond nid dyma’r unig ymateb. Efallai fod y sawl na fyddant yn wylo yn teimlo’r boen yr un mor ddwfn ag eraill. Efallai fod ganddynt ddulliau eraill o ddangos hynny
• Nid oes cyfnod amser iawn nac anghywir i alaru. Gall y cyfnod amrywio yn ôl yr unigolyn
• Fe wnaiff ceisio anwybyddu’r boen neu ei atal rhag amlygu ei hun wneud pethau’n waeth yn y tymor hir. I gael gwellhad go iawn, mae angen i ti wynebu dy alar a delio’n weithredol â hynny
• Efallai gall dy gynorthwyo i drafod dy deimladau â dy deulu neu ffrindiau yr oedd yr unigol a gollwyd hefyd yn agos atynt. Byddant yn teimlo'r un fath â thi, a gallai rhannu dy alar gynorthwyo pawb
• Ymhen amser, fe wnaiff y boen wella, a bydd gennyt atgofion am yr amseroedd da a rannaist gyda’r sawl rwyt wedi’i golli