Gwybodaeth » Dy Fyd Di » Cludiant » Beicio
Yn yr Adran Hon
Beicio
Mae beicio yn ffordd wych o fod yn weithgar wrth ddarganfod dy amgylchoedd, mae'n ymarfer da ac ar wahân i gost y beic, yn costio dim byd.
- Mae'n rhaid i ti wisgo helmed ddiogelwch sy'n ffitio'n iawn trwy'r amser wrth reidio beic rhag ofn i ti fod mewn damwain
- Buddsodda mewn clo beic da a chadwyn
- Mae’n syniad da sicrhau yswiriant beic, rhag ofn i unrhyw beth fynd o’i le â'th feic neu rhag ofn i rywun ei ddwyn
- Mae Cymru’n lle gwych i fynd ar wyliau beicio. Mae yma ddigonedd o lwybrau beicio sy’n manteisio ar gefn gwlad hardd Cymru
Beicio Tramor
- Os wyt yn beicio ar ffyrdd tramor, cofia fod y rhan fwyaf o wledydd yn gyrru ar ochr dde'r ffordd
- Os wyt am fynd â’th feic gyda thi ar wyliau dramor, cysyllta â’r cwmni hedfan rwyt yn teithio gydag i wneud yn siŵr bod hyn yn bosib. Bydd rhai cwmnïau hedfan yn gofyn i ti ddadosod dy feic yn rhannol, felly mae’n well gwneud yn siŵr cyn i ti fynd i ffwrdd
Am fwy o wybodaeth, gweler yr adran ar Seiclo yn Pethau i'w Gwneud.
