Gwybodaeth » Pethau I'w Gwneud » Y Celfyddydau » Gigs, Cyngherddau, Digwyddiadau a Gwyliau
Yn yr Adran Hon
Gigs, Cyngherddau, Digwyddiadau a Gwyliau
Mae cyngherddau, digwyddiadau a gwyliau yn ffordd wych o gael rhywbeth ti'n ei garu o dy amgylch, a gallan nhw gynnwys cerddoriaeth byw, actio, comedi a’r celfyddydau.
Gigs a Chyngherddau
Gig neu gyngerdd ydy pan fydd cerddorion yn chwarae o flaen cynulleidfa. Un o'r cyngherddau enwocaf ym Mhrydain yw’r Proms yn yr Albert Hall yn Llundain. Gall glywed pob math o gerddoriaeth yn y neuadd, gan gynnwys:
- Clasurol
- Pop
- Roc
- Gwerin
- Jazz
- Sioeau cerdd
- Byd
Digwyddiadau
Mae digwyddiad fel arfer yn sioe neu'n gasgliad sydd yn dathlu rhywbeth fel bwyd, diod, diwylliant, iaith a cherddoriaeth - gall bron unrhyw beth fod yn ffocws digwyddiad.
Gall digwyddiadau bara am ddiwrnod, neu am sawl diwrnod, er y byddi di’n tueddu i ymweld â nhw am un diwrnod.
Ymhlith enghreifftiau o ddigwyddiadau blynyddol yng Nghymru mae:
- Sioe Amaethyddol Frenhinol Cymru
- Eisteddfod Genedlaethol Cymru
- Eisteddfod Genedlaethol yr Urdd
- Mardi Gras Caerdydd
Mae'r Eisteddfod Genedlaethol yn newid lleoliad bob blwyddyn, yn newid rhwng y gogledd a’r de bob blwyddyn.
Gwyliau
Mae gwyliau yn cynnwys cyfres o berfformiadau, a gan y gall bron unrhyw beth fod yn destun achlysur, mae’n sicr bod yna ŵyl y byddi di’n ei fwynhau. Byddan nhw fel arfer yn para sawl diwrnod, sy’n golygu y gallet ti weithiau wersylla dros nos.
Gan fod gwyliau’n rhoi llwyfan i amrywiaeth o berfformwyr, gallan nhw fod yn ffordd wych o weld dy hoff berfformwyr a rhai nad wyt ti wedi clywed amdanyn nhw eto. Fel arfer, mae yna wyliau sydd at ddant y rhan fwyaf o bobl.
Dau o’r gwyliau mwyaf enwog yn y DU yw gŵyl gerdd Glastonbury a gŵyl ymylol Caeredin, er bod yna lawer ohonyn nhw’n agosach at gartref, gan gynnwys:
- Gŵyl Haf Caerdydd
- Gŵyl Lenyddiaeth y Gelli
- Eisteddfod Gerddorol Ryngwladol Llangollen
- Gŵyl Jazz Aberhonddu
