Rhoddion

Gwybodaeth » Iechyd » Gwasanaethau Iechyd » Rhoddion

Rhestr genedlaethol, gyfrinachol o bobl sydd yn barod i ddod yn rhoddwyr ar ôl iddynt farw
Mae rhoi dy enw ar Gofrestr Rhoddwyr Organau'r GIG yn gwneud pawb yn ymwybodol o dy ddymuniadau ac yn ei gwneud yn haws iddynt gytuno i'r rhodd
Ymhlith yr organau gallet eu rhoi mae'r galon, ysgyfaint, pancreas, arennau, coluddyn bach a'r iau. Gellir hefyd roi meinweoedd (tissues) fel y cornbilen (cornea), croen, asgwrn a falfiau'r galon
Mae 30% o bobl ar Gofrestr Rhoddion Organau'r GIG rhwng 16 a 25 oed pan fyddant yn ymuno. Mae 24% rhwng 26 a 35 oed a 35.9% dros 65 oed pan maen nhw'n ymuno
Gallet ti ddod yn rhoddwr yn unrhyw oed
Rwyt ti'n fwy tebygol o fod angen trawsblaniad nag dod yn rhoddwr
Cofrestra ar www.organdonation.nhs.uk

Gallet ti roi gwaed hyd at deirgwaith y flwyddyn o 17 oed
Mae gwaed sydd wedi'i roi yn gallu helpu achub bywydau pobl eraill, gan gynnwys dy deulu di
Dim ond 10 munud mae'n cymryd ac nid yw'n brifo
Efallai byddi di'n teimlo ychydig yn benysgafn neu'n flinedig ond dyw'r effeithiau ddim yn para'n hir
Mae'r gwaed ti'n ei roi yn cael ei ailgyflenwi gan dy gorff o fewn dyddiau
Am fanylion o ble i roi gwaed, cer i wefan Gwasanaeth Gwaed Cymru ar www.gwaed-cymru.org.uk

Gall hefyd roi wyau a sberm i helpu pobl anffrwythlon i gael plant
Mae mêr esgyrn (bone marrow) hefyd yn gallu cael ei roi i helpu pobl gyda chyflyrau fel lewcemia