Wrecsam Ifanc

Iechyd y Geg

Mae gen ti hawl i driniaeth ddeintyddol am ddim ar GIG os wyt ti:

• Dan 18, neu'n fyfyriwr llawn amser dan 19
• Yn feichiog pan mae'r driniaeth yn cychwyn, neu os wyt ti wedi cael babi yn y 12 mis diwethaf
• Rwyt ti neu dy bartner yn derbyn Cymhorthdal Incwm, Lwfans Ceisio Gwaith ar Sail Incwm, Lwfans Cyflogaeth a Chymorth ar Sail Incwm neu Gredyd Pensiwn: Credyd Gwarant
• Os enwir ar Dystysgrif Eithrio Credyd Treth GIG
• Os enwir ar dystysgrif HC2 y GIG ar gyfer cymorth llawn gyda chostau iechyd

Mae archwiliadau deintyddol am ddim yng Nghymru os:

• Wyt ti o dan 25 oed
• Wyt ti'n 60 oed neu drosodd

Beth yw'r gost o driniaeth ddeintyddol y GIG?

Mae'r rhestr ganlynol, sydd yn berthnasol yng Nghymru, yn cynnwys esiamplau o sut mae'r band pris cyfoes yn perthnasu i rai o'r triniaethau, dulliau a gwasanaethau deintyddol cyffredin. Mae'r prisiau yma yn gywir o fis Hydref 2013:

Band 1 = £12.70

• Digennu a chaboli (scale and polish) sylfaenol* (gweler manylion isod)
• Archwiliad, asesiad achos ac adrodd
• Cyngor, diagnosis a chynllunio triniaeth
• Pelydr-x ac adroddiadau
• Cyfarwyddyd ar atal clefyd deintyddol a geneuol gan gynnwys cyngor dietegol a chyfarwyddyd hylendid deintyddol
• Cywiriad ffiniol o lenwadau (fillings)
• Addasiad a lleddfu dannedd gosod neu offer orthodonteg

* Gall pris triniaeth digennu a chaboli amrywio yn ddibynnol ar beth yn union sydd yn cael ei wneud, felly gofynna i dy hylenydd deintyddol faint fydd y driniaeth o flaen llaw. Dylai triniaeth GIG gostio £12.70 am driniaeth sylfaenol, neu £41.10 am driniaeth uwch.

Band 2 = £41.10

• Digennu a chaboli uwch* (gweler manylion uchod)
• Llenwadau parhaol
• Tynnu dannedd
• Trawsblaniad dannedd
• Llawfeddygaeth geneuol gan gynnwys tynnu coden, daint sydd heb dyfu allan a daint cywasgedig yn llawfeddygol

Band 3 = £177

• Dant gosod gan gynnwys unrhyw gymorth pin neu bostyn i ddal gafael
• Pontydd gan gynnwys unrhyw gymorth pin neu bostyn i ddal gafael
• Dannedd gosod llawn neu rannol
• Triniaeth ac offer orthodonteg
• Offer eraill sydd wedi'i greu ar fesuriadau'r claf ac eithrio gwarchodydd chwaraeon
• Mae'r taliadau yn cael eu gwneud am gwrs o driniaeth, felly, er esiampl, os oes angen tri llenwad, dim ond un taliad triniaeth sydd

Mae archwiliadau rheolaidd yn hanfodol os wyt ti eisiau osgoi arogl drwg ar dy wynt, dannedd wedi'u staenio, heintiau cig y dannedd a phroblemau iechyd deintyddol eraill. Os oes gen ti arogl drwg ar dy wynt, cig dannedd dolurus neu'n gwaedu, neu'r ddannoedd, yna trefna apwyntiad i weld dy ddeintydd.

Mewn achosion deintyddol brys, fel dannedd yn gwaedu'n ddi-baid, gwefusau, tafod neu foch wedi chwyddo ac anaf i'r dannedd neu'r ên, dylai rhoi gwybod i'r deintydd ar unwaith a threfnu apwyntiad brys cyn gynted â phosib.

I ddod o hyd i ddeintydd lleol, ffonia Galw IECHYD ar 0845 46 47. Rwyt ti'n rhydd i ddewis dy ddeintydd, bod hyn yn ddeintydd GIG neu breifat, ond bydd dy gofrestriad gydag un deintydd yn gorffen os wyt ti'n ymweld ag un arall.