Wrecsam Ifanc

Sŵau a Pharciau Saffari

Sŵau

• Sŵau enwocaf y DU yw Sŵ Caeredin a Sŵ Llundain, ond mae llawer o sŵau llai ledled y wlad y gallet fynd iddynt
• Mae’n rhaid talu i fynd i mewn i sŵ, fel arfer rhwng £5.00 a £20.00
• Cedwir anifeiliaid sŵ mewn ardaloedd sydd wedi’u creu’n arbennig i fod yn debyg i’w cynefin naturiol, fel y gallet weld sut y byddant yn bihafio pe byddent yn byw’n wyllt
• Yn aml gallet ddarganfod pa bethau y mae anifeiliaid yn eu bwyta os ydwyt yn mynd i sŵ amser bwydo
• Fel arfer gall weld anifeiliaid amrywiol mewn sŵ, o greaduriaid egsotig fel crocodeiliaid ac aligatoriaid i bengwiniaid
• Rhaid bod gan sŵau drwydded arbennig i gadw anifeiliaid. Cânt eu harchwilio’n aml er mwyn sicrhau bod yr anifeiliaid yn cael eu trin yn iawn a’u cadw mewn cyflwr lle y gallant ymddwyn fel y byddant yn ymddwyn yn naturiol pe byddent yn byw’n wyllt
• Mae sawl person yn gwrthwynebu cadw anifeiliaid mewn sŵau; mae rhai’n credu na ddylai pobl gymryd anifeiliaid o’u cartrefi naturiol, a’i bod hi’n greulon iawn cadw anifeiliaid mewn llefydd cyfyng
• Fodd bynnag, mae sŵau’n cyfrannu at brosiectau cadwraeth, ac fe all bridio anifeiliaid mewn sŵau eu hamddiffyn rhag mynd yn ddiflanedig

Parciau Saffari

• Fel arfer lleolir parciau saffari yng nghefn gwlad lle mae llawer o dir. Mae gan yr anifeiliaid le i grwydro, ac mae ganddynt fwy o le nag y bydd ganddyn nhw mewn sŵ
• Byddet yn gyrru trwy barc saffari mewn car fel arfer, ac yn edrych ar yr anifeiliaid wrth iddynt grwydro heibio
• Mae parciau saffari yn tueddu i gadw anifeiliaid mwy o faint nag y mae sŵau gan fod mwy o le ganddynt i grwydro. Mae’r anifeiliaid hyn yn cynnwys jiraffod, llewod ac eliffantod
• Weithiau bydd gan barciau saffari weithgareddau eraill fel tai crand y gallet edrych y tu fewn iddynt a gweithgareddau antur