Gerddi

Gwybodaeth » Amgylchedd » Planhigion ac Anifeiliaid » Gerddi

Mae sawl ffordd o ddechrau garddio, hyd yn oed os nad oes plot gennych
Mae cadw gerddi yn ffordd wych o helpu’r amgylchedd, gan eu bod yn annog bywyd gwyllt i ffynnu
Yn ogystal â’r ffyrdd y gallwch gyfranogi a restrir isod, gofynnwch i’ch ffrindiau neu’ch teulu a oes angen arnynt gymorth yn eu gerddi nhw
Os ydych yn ansicr ar y cychwyn, mae sawl llyfr ar gael y gallwch eu darllen cyn dechrau, a gallwch wneud cymaint ag y rydych eisiau

Cofiwch fod yn ofalus os ydych chi’n defnyddio offer neu’n symud cyfarpar trwm
Golchwch eich dwylo bob tro ar ôl garddio, yn enwedig os ydych chi wedi bod yn defnyddio cemegau
Gallwch ddechrau garddio yn syth gydag ychydig o botiau a bag o gompost - cofiwch roi digon o ddŵr i’ch planhigion wedi i chi eu hail-blannu
Gall llyfrau garddio fod o gymorth i chi wrth sefydlu eich gardd eich hun

Mae’n hawdd iawn tyfu eich planhigion eich hunain. Gallwch dyfu llysiau fel tomatos a phupurau mewn bagiau tyfu neu botiau mawr - does dim angen tŷ gwydr neu lain llysiau mawr i gael dechrau arni
Mae bocsys ffenest yn ffordd syml o gychwyn gardd fach. Gallwch geisio tyfu unrhyw beth, o flodau fel mynawyd y bugail (’geraniums’) sy’n blodeuo bob blwyddyn, i ffrwythau fel mefus
Mae perlysiau’n tyfu’n dda mewn potiau bach ac mae’n hawdd gofalu amdanynt - rhowch nhw yn y gegin fel y gallwch eu defnyddio’n hawdd wrth goginio

Os ydych chi’n teimlo’n barod i weithio ar eich llain eich hun, cysylltwch â’ch awdurdod lleol a all roi gwybod i chi ar sut i ddechrau arni
Os yw lotment yn ormod i chi ofalu drosto ar eich pen eich hun, gofynnwch i’ch ffrindiau a’ch teulu a hoffent roi help llaw, neu fe fedrech geisio cael lotment gyda’ch grŵp ieuenctid lleol hyd yn oed

Beth am gychwyn eich cynllun garddio eich hun? Os oes darn o dir sydd ddim yn cael ei ddefnyddio yn eich ardal chi, ac os credwch y gallwch ei wella, gallwch ofyn i’ch cyngor lleol ynglŷn â throi’r tir yn ardd