Wrecsam Ifanc

Gwirio Credyd

Credyd yw’r enw ar y sefyllfa pan fyddi di’n benthyca arian a chredydwr neu fenthyciwr yw’r sawl sy’n benthyg yr arian i ti.

Os ydwyt ti wedi gwneud cais i fenthyca arian, fe allai’r credydwr wirio dy gredyd. Mae'r adroddiad credyd hwn yn dangos dy hanes ariannol a bydd yn eu helpu i benderfynu p’un a fyddan nhw’n rhoi’r arian i ti ai beidio.

Byddan nhw’n gwirio dy gredyd os byddi di’n gwneud cais am:

• Cerdyn credyd neu gerdyn siop
• Cytundeb Hurbrynu
• Cerdyn talu
• Morgais
• Catalog archebu trwy’r post
• Benthyciad neu orddrafft o fanc neu gymdeithas adeiladu
• Aelodaeth o undeb credyd
• Mae asiantaethau cyfeirio credyd yn storio gwybodaeth am sefyllfa ariannol pawb a byddan nhw’n gwirio credyd ar ran benthycwyr

Byddan nhw’n cadw manylion sy’n cynnwys:

• Y gofrestr etholiadol
• Dy gytundebau credyd, gan gynnwys faint sydd ar ôl gennyt ti i’w dalu a hanes taliadau
• Achosion o adfeddiannu dy gartref a methiant i dalu dy forgais
• Dedfrydau arian yn y llys sirol
• Gorchmynion methdaliad a threfniadau gwirfoddol
• Achosion blaenorol o wirio credyd
• Efallai y bydd yr asiantaeth hefyd yn rhoi sgôr credyd i ti, lle byddan nhw’n dyfarnu pwyntiau yn ôl dy statws priodasol, lle'r ydwyt yn byw, dy swydd a dy gyflog
• Mae gennyt ti'r hawl i wirio dy ffeil credyd i weld a yw’n gywir. Cysyllta â dy asiantaeth cyfeirio credyd lleol

Os ydwyt yn poeni ynglŷn â dy ffeil credyd neu ynglŷn â gwneud cais am gredyd, cysyllta â’r Ganolfan Cyngor ar Bopeth; mae ganddyn nhw fanylion yr holl asiantaethau cyfeirio credyd.

Mae gan y Gwasanaeth Cynghori Ariannol un neu ddau o adrannau ar undebau credyd, gan gynnwys:

• Sut mae gweld dy adroddiad credyd
• Beth mae dy adroddiad credyd yn ei ddatgelu amdanat ti
• Cwis: Y gwir am adroddiadau credyd
• Datblygu hanes credyd fel defnyddiwr ifanc
• Sut mae cael credyd am y tro cyntaf

Gallet gysylltu â'r Gwasanaeth Cynghori Ariannol ar 0300 500 5000 (neu 0300 500 5555 ar gyfer Cymraeg) Llun - Gwener 8am - 8pm, Sad 9am-1pm. Ceir hefyd swyddogaeth sgwrsio ar-lein ar eu safle.

Gallet gysylltu â Meic am ddim drwy sgwrsio ar-lein, testun (84001) neu ffoniwch (23456 080880).