Gwybodaeth » Arian » Arian Poced » Arbed Arian Poced
Yn yr Adran Hon
Cynilo Arian Poced
Mae hi i fyny i ti beth fyddi di’n gwneud â dy arian poced, ond bydd rhai pobl yn dewis ei gynilo. Efallai y byddi di’n cynilo dy arian poced nes bod gennyt ti ddigon i brynu rhywbeth yr ydwyt ei eisiau, fel pâr newydd o trênyrs neu gêm gyfrifiadurol.
Bydd rhai pobl hefyd yn cynilo’u harian i’w wario pan fyddan nhw’n mynd ar eu gwyliau, i brynu anrhegion Nadolig neu Ben-blwydd i’w teulu a’u ffrindiau, ar gyfer trip ysgol, neu dim ond i fod ’wrth gefn’ rhag ofn y bydd ei angen.
Gallet ti naill ai cynilo dy arian adref neu gallet ti ofyn i dy rieni neu dy ofalwr i’th helpu i agor cyfrif cynilo yn y banc, lle gall gadw dy arian nes y bydd ei angen arnat ti. Os oes gennyt ti gyfrif cynilo, bydd dy arian hefyd yn ennill mwy o arian ar dy gyfer.
Bydd y banc yn talu swm bach o arian o’r enw llog bob mis, fel gwobr am ddefnyddio’u cyfrif cynilo nhw. Gofynna i’th riant neu dy ofalwr am gyngor ar ddewis y math o gyfrif sy’n iawn i ti os ydwyt yn poeni.
Gweler Mathau o Gyfrifon i gael mwy o fanylion am agor cyfrif cynilo.
