Pobl ifanc Wrecsam yn cymryd rhan yn Nhaith Gerdded Fawr Cymru 2012
Mae wyth deg o bobl ifanc o Wrecsam yn bwriadu cymryd rhan yn Nhaith Gerdded Fawr Cymru a gynhelir ar 3 Tachwedd yn rhan o Wythnos Gwaith Ieuenctid eleni.
Bydd y bobl ifanc yn cerdded ar hyd Clawdd Offa o Sylatyn ar ffin Croesoswallt at Foel Famau yn Sir y Fflint – taith gerdded deugain cilometr o hyd. Byddant yn cerdded mewn 8 grwp o 10, a phob grwp yn cerdded 5 cilometr.
Bydd Taith Gerdded Fawr Cymru 2012 yn dilyn Llwybr Arfordir Cymru a Llwybr Clawdd Offa - camp ryfeddol 1,047 (1,685 cilometr) o filltiroedd o hyd - a bydd y bobl ifanc yn cerdded y rhan o’r llwybr sydd oddi mewn i’w sir nhw. Bydd gweithwyr ieuenctid o 22 o awdurdodau lleol Cymru ac o Gyngor Gwasanaethau Ieuenctid Gwirfoddol Cymru yn ymuno ’r bobl ifanc yn yr her.
Cynhelir y daith gerdded yn ystod yr Wythnos Gwaith Ieuenctid, ac mae’n tynnu sylw at yr amrywiaeth eang o weithgareddau a gwasanaethau cymorth i bobl ifanc a ddarperir yn wirfoddol neu drwy gefnogaeth cynghorau. Bydd bron 300,000 o bobl ifanc ar hyd a lled Cymru yn elwa ar y gwasanaethau hyn bob blwyddyn, gydag 8,000 o’u plith yn dod o Wrecsam. Bydd y gwasanaethau’n helpu pobl ifanc wrth iddynt droi o fod yn blant i fod yn oedolion, ac o fod yn ddibynnol i fod yn annibynnol. Yn ystod yr Wythnos Gwaith Ieuenctid, bydd digwyddiadau arbennig yn cael eu cynnal ledled y wlad er mwyn annog mwy o bobl ifanc i gymryd rhan mewn gweithgareddau yn eu hardal.
Yn l y Cyng. Mike Williams, yr Aelod Arweiniol ar gyfer Gwasanaethau Plant ac Addysg:
"Dyma gyfle gwych i bobl ifanc Wrecsam gael cymryd rhan mewn digwyddiad sydd mor unigryw. Bydd yn ddathliad o’r gwaith rhagorol a wnaed gan ein gwasanaethau ieuenctid ac o gyflawniadau’r bobl ifanc eu hunain. Gobeithiaf na fydd y tywydd yn achosi unrhyw broblemau ac y bydd pawb yn mwynhau’r digwyddiad."
Yn l Craig Mathews, sy’n trefnu’r digwyddiad ar ran Gwasanaeth Ieuenctid Wrecsam:
“Yn aml rhoddir cyhoeddusrwydd drwg i bobl ifanc oherwydd ymddygiad y lleiafrif, ond mae hyn yn gyfle iddynt ddisgleirio – maent i gyd yn edrych ymlaen at y digwyddiad, ac at fwynhau’r golygfeydd prydferth a dathlu eu llwyddiant, a llwyddiant y gwasanaeth ieuenctid."
Cydlynir digwyddiad Cymru gan Wasanaeth Ieuenctid Sir Fynwy mewn partneriaeth gwasanaethau ieuenctid ledled Cymru, ac ar y cyd Chyngor Gwasanaethau Ieuenctid Gwirfoddol Cymru a Chymdeithas Llywodraeth Leol Cymru.
Cynhelir Taith Gerdded Fawr 2012 ddydd Sadwrn 3 Tachwedd. Am fwy o wybodaeth, neu er mwyn cymryd rhan, ewch i’ch canolfan ieuenctid leol neu gysylltu craig.mathews@wrexham.gov.uk
