Mae dy farn yn bwysig
Dylai pawb yng Nghymru gael cyfle i ddweud eu dweud am y ffordd y mae eu gwlad yn cael ei rhedeg. Un ffordd o wneud hyn yw drwy bleidleisio yn etholiadau’r Cynulliad ac etholiadau’r DU. Beth os nad wyt yn ddigon hen i bleidleisio eto?
Mae’r Cynulliad yn Gynulliad i bawb. Hoffem wybod beth y mae pawb yn ei feddwl am ddyfodol ein gwlad. Mae hynny’n cynnwys pobl o bob oedran, crefydd, gallu, cyfeiriadedd rhywiol, ethnigrwydd neu rywedd.
Os wyt rhwng 11 ac 18 oed, mae angen dy help arnom. Hoffem i ti ddweud wrthym beth sy’n bwysig i ti, beth yr wyt yn ei ddisgwyl gennym a beth y gallwn ei wneud i sicrhau bod dy lais yn cael ei glywed. Mae angen i ti ddweud wrthym beth fyddai’r ffyrdd gorau i ti gymryd rhan yng ngwaith y Cynulliad.
Efallai nad wyt yn hapus gyda rhywbeth sy’n digwydd yn dy ardal leol, a dy fod am newid y peth hwn, neu efallai dy fod yn credu y dylid gostwng yr oedran pleidleisio. Nid oes unrhyw fater yn rhy fawr neu’n rhy fach.
Unwaith i ni glywed barn cynifer o bobl ifanc yng Nghymru â phosibl, byddwn yn edrych ar yr hyn yr ydych wedi’i ddweud wrthym ac yn awgrymu ffyrdd i’w wneud yn rhwyddach i chi gysylltu â’r Cynulliad a gwneud gwahaniaeth.
