Fuoch chi erioed yn methu cysgu?
Fuoch chi erioed yn methu cysgu? Dyna ydi fy mhroblem i ar y funud. Fedrwn i ddim y llynedd chwaith am yr un rheswm – arholiadau!!
Un gair, un gair syml 9 llythyren yn achosi i ni i gyd ddioddef, drysu a phryderu. Wn i ddim amdanoch chi, ond weithiau pan fydda’i yn methu cysgu mi fyddaf yn mynd i mewn i ryw fyd ofnadwy – teimlo’n unig a gwan, teimlo’n anghyfforddus ac yn methu cario ymlaen. Mae’r cyfan yn hunllef a dim modd i’w osgoi.
Mae gen i dair arholiad diwedd blwyddyn fory a dyna’r rheswm dros y dryswch heno. Fedrai ddim cael hyn allan o fy meddwl. Y cyfan sy’n dod i’m meddwl ydi “Pa flwyddyn y cafodd Catherine of Aragon ei geni?" neu "Sut cafodd ystumllyn ei ffurfio?” Fum i erioed yn dda o gwbl mewn arholiadau a phrofion. Mi fyddai bob amser yn poeni a phoeni a byth yn gwneud cystal ag y dyliwn mewn prawf. Mae’n teimlo fel pe bai popeth oeddwn wedi ei ddysgu yn ystod y dyddiau cynt wedi hedfan yn llwyr allan o’m meddwl. Ac mi wn bod athrawon yn dweud pethau fel "Wel, paid â phoeni – mi fyddi di yn iawn” ond y gwir ydi ’mod i’n gwybod na fydda’i ddim yn iawn. Mi wn y bydda’i yn mynd adra, yn adolygu’n galed, yn mynd i’r gwely ac yn methu cysgu - ac yn yr arholiad y diwrnod wedyn yn rhewi ac yn anghofio popeth (fel arfer).
Fedrai ddim dioddef hyn ddim mwy. Mae hyn yn effeithio arnai. Mae’n rhaid i mi gael cwsg. Mae’n deimlad erchyll bod popeth ydwi wedi ei ddysgu a’i gofio yn diflannu mewn un noson ddi-gwsg. Arholiadau – dwi’n eu casau……..
Info >> Education >> Study Skills
Info >> Health >> Health & Body Matters >> Sleeping
IMAGE: betsyjean79 via Compfight cc
