Sue Cynghorydd Siop Wybodaeth Wrecsam yn cyfarfod JLS
Helo, fi ydy Sue, un o'r cynghorwyr yn y siop wybodaeth yn Wrecsam a dwi yma i rannu'r profiad arbennig cefais un diwrnod heulog fis Medi.
Dwi hefyd yn gweithio fel cynghorydd ar-lein i BeatBullying ar brosiect o'r enw CyberMentors. Mae Cybermentors yn ymwneud phobl ifanc yn helpu ac yn cefnogi ei gilydd ar-lein.
Mae BeatBullying efo nifer o gefnogwyr enwog ac un ohonynt ydy JLS. Mae JLS efo diwrnod sylfaen pob blwyddyn i roi arian i'r elusennau maent yn cefnogi ac mae BeatBullying a'r Prosiect CyberMentors yn un ohonynt.
Cefais fy ngwadd, ynghyd 16 o fentoriaid ar-lein ifanc i fynychu diwrnod yn Llundain a chyfarfod JLS am dros awr i gael llofnodion ac i siarad un i un gyda nhw am ein prosiect. Roedd yn ddiwrnod cyffrous ac fel gallet ddychmygu, roeddwn i'n nerfus iawn ond o fewn munudau o'r bechgyn yn cyrraedd roedd y nerfau i gyd wedi diflannu wrth iddynt wneud i bawb deimlo'n groesawus a sgwrsio fel eu bod yn dy adnabod am byth. Llwyddais i gael ychydig o gusanau a dywedais na fyddwn yn golchi fy wyneb byth eto (ond dwi wedi gorfod gan ofni cael sbotiau).
Os wyt ti'n cael dy fwlio, neu'n teimlo ychydig yn isel, neu efallai dy fod yn poeni am rywbeth a ddim yn sicr pwy i fynd ato i siarad gyda nhw, yna CyberMentors ydy'r lle i fynd am gymorth. Mae CyberMentors yma i wrando a chefnogi ti am unrhyw broblem, bach neu fawr, neu os wyt ti'n cael dy dargedu ar-lein neu oddi ar-lein.
Os wyt ti rhwng 11 a 25 oed a hoffet wybodaeth bellach am CyberMentors a dod yn fentor ar-lein i helpu rhai sydd yn cael profiad o fwlio ymwela www.cybermentors.org.uk
I ddarganfod sut i ymuno yn wythnos Gwrth-Fwlio ymwela www.beatbullying.org
