WYTHNOS IECHYD RHYWIOL

Posted by lisa young wrexham from Wrexham - Published on 17/09/2012 at 12:15
0 comments » - Tagged as Health

Beth yw’r Wythnos Iechyd Rhywiol?

Pwrpas Wythnos Iechyd Rhywiol y Gymdeithas Cynllunio Teulu yw gwneud mwy o bobl yn ymwybodol o faterion iechyd rhywiol ac mae’n canolbwyntio ar wahanol bwnc bob blwyddyn.

Er enghraifft, yn 2009, roedd Wythnos Iechyd Rhywiol y Gymdeithas Cynllunio Teulu’n canolbwyntio ar ryw ac alcohol. Yn 2010 canolbwyntiodd ar iechyd rhywiol i bobl dros 50 ac yn 2011 y pwnc dan sylw oedd ‘Ffeithiau Bywyd, sut a phryd i siarad gyda’ch plant am oed aeddfedrwydd, perthnasoedd a rhyw’. Yn 2012, mae’r Gymdeithas Cynllunio Teulu a Brook yn cydweithio ar yr ymgyrch ‘XES We can’t go backwards’ - oherwydd mewn rhai ardaloedd drwy Brydain gyfan mae pobl yn methu cael gafael ar atalwyr cenhedlu, dydy’r ystod gyfan o ddewisiadau atal cenhedlu ddim wedi’i gynnig i bobl ac mae gwasanaethau atal cenhedlu ac iechyd meddwl yn cau neu’n agored am lai o amser.

Mae un ymhob saith o bobl ifanc yn cyfaddef eu bod wedi cael rhyw heb gadw’n ddiogel ar l yfed alcohol.
Mae gwaith ymchwil wedi dangos cysylltiad rhwng defnyddio cyffuriau ac alcohol a chael rhyw heb amddiffyniad. Alcohol a nodwyd gan 20% o ddynion ifanc a 13% o ferched ifanc 15-19 oed fel y brif reswm am eu cyfathrach rywiol gyntaf. Po ieuengaf yw’r ferch, y mwyaf tebygol yw hi bod alcohol yn gysylltiedig ’r rhyw.
Mae pobl ifanc ddwywaith mor debygol o beidio defnyddio atalwyr cenhedlu os nodir alcohol fel y brif reswm am gael rhyw yn l arolwg i Sianel 4, ac mae dynion a merched ifanc yn fwy tebygol o ddifaru cael rhyw lle mae alcohol yn ffactor.

Pam fod hyn yn bwysig?

Gan y DU mae’r nifer uchaf yng Ngorllewin Ewrop o enedigaethau ac erthyliadau ymysg pobl yn eu harddegau.
Yn 2005, roedd 2504 o bobl ifanc dan 18 a 455 o bobl ifanc dan 16 oed wedi dod yn feichiog yng Nghymru.
Cafodd bron i drydedd ran o ddynion a chwarter y merched 16-19 oed gyfathrach heterorywiol cyn iddynt fod yn 16 oed.
Yn 2006 cafwyd 376,508 diagnosis o heintiau newydd a drosglwyddir yn rhywiol yn y DU, sef cynnydd o 63% ers 1997.
Mewn clinigau GUM yn y DU, chlamydia gwenerol yw’r haint mwyaf cyffredin a drosglwyddir yn rhywiol a welwyd. Cafwyd 113,585 diagnosis yn 2006.
O ganlyniad, mae angen i bobl o bob oedran allu cael gafael ar wasanaethau iechyd rhywiol lle bynnag y maent yn byw.

Beth allech chi ei wneud?

Canfod y ffeithiau am ryw, fel y gallwch gymryd y cyfrifoldeb a gwneud penderfyniadau deallus.
Gohirio cael rhyw nes byddwch yn barod, ond bod yn ddiogel pan fyddwch yn cychwyn.
Defnyddio condom bob amser.
Eich parchu eich hun a’ch partner(iaid) a chymryd cyfrifoldeb am eich gweithredoedd eich hun a’ch iechyd rhywiol eich hun.