Wedi pacio fy mlanced picnic
Wedi pacio fy mlanced picnic, rhywbeth i fwyta ac i yfed (eleni roedd cyfyngiad ar faint o alcohol a ganiatawyd ar y safle), cerddais y daith fer i ‘O dan y Bwâu’, gan gyrraedd y digwyddiad dan ei sang am 8pm.
Eleni hefyd, gwelwyd gostyngiad yn y nifer o docynnau oedd ar gael, roedd hyn yn golygu bod mwy o le i deuluoedd i ymgasglu ar y cae chwarae a gwneud eu hunain yn gyfforddus ar gyfer y noson (mor gyfforddus â phosib yn yr awyr agored). Hefyd, roedd yn golygu o’r diwedd nid oedd unrhyw giwiau i'r toiledau, sydd yn bwysig iawn gan fod y digwyddiad yn para o 7pm tan 11pm.
Roedd y sioe tân gwyllt, fel bob tro, yn anhygoel. Eleni, roedd y digwyddiad wedi cael ei gyflwyno yn ingol er cof am ddau ddyn ifanc a fu farw yn yr ardal.
Ond i mi, roedd y digwyddiad yr un fath â phob blwyddyn arall rwyf wedi mynychu, gyda’r un bandiau a stondinau. Roeddwn wedi gobeithio y byddai rhywbeth newydd wedi cael ei ychwanegu, i fywiogi’r un drefn..... Felly roeddwn ychydig yn siomedig, ac rwyf wedi gado i arbed fy arian y flwyddyn nesaf a mwynhau’r profiad...... o fy ngardd.
