Penderfyniadau Anodd 2016-17
Mae Awdurdodau lleol yn parhau i wynebu gostyngiad mewn cyllid gan Lywodraeth ganolog, sy'n golygu bod yn rhaid i Gynghorau barhau i ddod o hyd i ffyrdd o weithredu a darparu gwasanaethau gyda chyllidebau llawer llai. Yn Wrecsam rydym yn amcangyfrif y bydd angen i ni arbed £45miliwn ymhellach dros y tair blynedd nesaf. Mae hyn yn ychwanegol at y £23.2million rydym eisoes wedi ei arbed dros y tair blynedd diwethaf.
Er ein bod yn gwneud popeth y gallwn ni i ddiogelu gwasanaethau, mae’r angen parhaus i sicrhau arbedion sylweddol flwyddyn ar ôl blwyddyn, yn golygu bod rhaid i ni wneud penderfyniadau anoddach ac anoddach.
Y llynedd, cymerodd dros fil ohonoch chi ran yn ein hymgynghoriad ar y gyllideb, ac mae'n amser i chi ddweud wrthym ni beth yw eich barn am y cynigion rydym yn gwneud am sut i wneud arbedion, a chynhyrchu mwy o incwm ar gyfer blwyddyn ariannol 2016-17 .
Mae’r llyfryn ‘Penderfyniadau Anodd 2016-17’ yn cynnwys gwybodaeth fanylach am y broses o ail-lunio gwasanaethau, ac am y cynigion eu hunain.
Mae yna nifer o ffyrdd y gallwch ddweud wrthym beth yw eich barn am ein cynigion.
1. Llenwch yr arolwg - naill ai ar-lein neu ar fersiwn papur yn dweud wrthym i ba raddau rydych yn cytuno â'r cynigion rydym yn eu gwneud.
www.wrecsam.gov.uk/ymgynghoriadcyllideb
2. Byddwn yn cynnal ymgynghoriadau mwy manwl gyda defnyddwyr gwasanaeth ar gyfer rhai o'r cynigion hyn - a fydd hefyd yn cyfrannu at y broses o wneud penderfyniadau.
3. Gallech hefyd ysgrifennu atom yn 'Dywedwch Eich Barn'. Anecs 3ydd Llawr. Neuadd y Dref. Wrecsam. LL11 1AY
4. Neu anfonwch e-bost atom i telluswhatyouthink@wrexham.gov.uk (dylid nodi ‘Penderfyniadau Anodd’ ar eich gohebiaeth)
Y dyddiad cau ar gyfer ymateb i’r ymgynghoriad yw dydd Mawrth 27 Hydref 2015.
Sylwch, er y byddwn yn croesawu ac yn rhoi ystyriaeth i farn pawb, nid oes modd i ni ymateb i gwestiynau neu sylwadau unigol a anfonir mewn ymateb i'r ymgynghoriad hwn.
Diolch i chi am gymryd rhan yn yr ymgynghoriad hwn - rydym yn gwerthfawrogi eich barn.
