Mae arnom ni angen pobl ifanc i helpu gyda digwyddiad hapusrwydd yn Wrecsam
Mae arnom ni angen pobl ifanc i helpu gyda digwyddiad hapusrwydd yn Wrecsam
Mae dyn ifanc o Wrecsam sydd eisiau codi calon ei gymuned yn chwilio am wirfoddolwyr i’w helpu.
Mae Tobias Perks, sy’n 21 mlwydd oed, yn credu bod pobl weithiau yn anghofio gwenu oherwydd pwysau a straen eu ffordd o fyw modern.
Mae'n gweithio gyda Fixers i gynnal digwyddiad yn Wrecsam ddydd Sadwrn 22 Mawrth, o 11am tan 3pm, ac mae arno angen mwy o bobl ifanc rhwng 16 a 25 oed i gymryd rhan a chreu tipyn o lawenydd.
Mae Fixers yn elusen genedlaethol sy'n cefnogi pobl ifanc rhwng 16 a 25 oed i fynd i'r afael ag unrhyw fater sy’n bwysig iddyn nhw.
Meddai Tobias, “Dw i'n meddwl bod hapusrwydd yn bwysig i les pawb gan fod yna gymaint o bobl heddiw yn teimlo dan straen”.
“Wrth dyfu i fyny roeddwn i bob amser yn stopio pobl ar y stryd a gofyn iddyn nhw wenu – ac mi fydda’r rhan fwyaf yn gwneud. Dw i wastad yn teimlo’n hapus bod y dieithriad yma’n gwneud y byd yn lle hapusach wrth wenu.
“Dw i’n gwneud hyn yn fy ngwaith yn ogystal ag yn y brifysgol. Dw i’n hoffi gwneud y llefydd y byddaf yn gweithio ynddyn nhw yn llefydd hapusach gan fy i’n credu ein bod ni i gyd yn lwcus i fod yma. A dydi gwên yn costio dim!
“Dw i’n gobeithio y bydd fy nigwyddiad yn gwella morâl y gymuned. Byddai'n grêt cael llawer o bobl ifanc yn cymryd rhan yn y digwyddiad drwy glapio, dawnsio, canu, dweud jôcs, rhoi pump uchel i bobl ac unrhyw beth arall fydd yn rhoi gwên ar wyneb pobl.”
Bydd y digwyddiad yn dechrau yng Nghanolfan Siopa Dôl yr Eryrod yn Wrecsam gyda dewiniaid, jyglwyr, actorion mewn gwisgoedd a'r gwirfoddolwyr ifanc.
Bydd pob gwirfoddolwr yn cael crys-T a syniadau ar sut y gallan nhw ymuno â’r hwyl. Os hoffech chi gymryd rhan, cysylltwch â Sian Deal, Cydlynydd Pobl Ifanc Fixers Gogledd Cymru: sian@fixers.org.uk neu 07436 265905.
Meddai Tobias, “Dw i’n gobeithio bydd y digwyddiad yma yn dod yn ddigwyddiad blynyddol, gan greu etifeddiaeth a fydd o fudd i'r gymuned leol - rhywbeth y gallan nhw edrych ymlaen ato."
Mae Fixers yn gweithio gyda phobl ifanc ar draws y Deyrnas Unedig. Mae pob Fixer yn derbyn cefnogaeth i greu’r adnoddau y bydd arnyn nhw eu hangen i wneud eu prosiect dewisol yn llwyddiant, gyda chymorth creadigol gan weithwyr proffesiynol yn y cyfryngau i greu deunyddiau hyrwyddo fel ffilmiau, gwefannau a gwaith argraffu.
Mae Fixers eisoes wedi cefnogi mwy na 11,000 o bobl ifanc ar draws y Deyrnas Unedig i gael llais go iawn yn eu cymuned.
Mae pobl ifanc wedi ymgyrchu ar nifer o faterion gyda chymorth Fixers, o faterion fel seiber-fwlio, hunan-niweidio a hunanladdiad i’r angen am fwy o weithredoedd o garedigrwydd.
Erbyn 2020 mae Fixers yn gobeithio y byddan nhw wedi gweithio gyda dros 70,000 o bobl ifanc rhwng 16 a 25 oed i'w helpu nhw i weithredu a mynd i'r afael â'r materion y maen nhw’n teimlo'n gryf yn eu cylch.
Ewch i www.fixers.org.uk am fwy o wybodaeth.
